http://www.karobardaily.com/news/79725
२४ जेठ, २०७४ ६:२४ साँझ
फाइल फोटो
दाङः तुलसीपुर नगरपालिका– १० का माधव केसीले मौरीपालन व्यवसायबाट मनग्य आम्दानी गर्दै आएका छन् ।
केसीले मौरीपालन व्यवसायबाट वार्षिक १८
लाख रुपैयाँ आम्दानी गर्छन् । विसं २०६० मा कृषि तथा पशु विज्ञान अध्ययन
संस्थान रामपुर कृषि क्याम्पसबाट कृषिमा स्नातक तहसम्मको अध्ययन गरेका
केसीले जागिरलाई थाती राखी कृषि व्यवसायलाई अङ्गालदै आएका छन् ।
केसीले २०६२ सालमा चार घार मौरीबाट
व्यवसाय सुरु गरेका हुन् । हाल उनले ७०० घार मौरी पालेका छन् । उनले २०६९
सालमा ‘प्राकृतिक मह उत्पादन तथा मौरीपालन फार्म’ दर्ता गराएका हुन् ।
उनले गत वर्ष पाँच हजार किलो मह बिक्री
गरी १२ लाख ५० हजार रुपैयाँ आम्दानी गरेको बताए । त्यस्तै एक हजार रानु
मौरी उत्पादनबाट पाँच लाख आम्दानी गरेका छन् । ‘वार्षिक १८ लाख भन्दाबढी
आम्दानी हुन्छ’, केसीले भने ।
मौरीको घारलाई एक हजार बनाउने उनको लक्ष्य
छ । पाँच जनाले रोजगार समेत पाएका छन् । केसीलाई कृषि विकास कार्यालयले गत
वर्ष राष्ट्रपति उत्कृष्ट पुरस्कार प्रदान गरेको थियो ।
No comments:
Post a Comment