http://rajdhanidaily.com/155526/
कुलेखानी तेस्रो र बाग्मतीबाट विद्युत् उत्पादन हुँदै, ३६ मेगावाट थपिने
10/03/2019
विद्युत् थपिनेछ ।
नेपाल विद्युत् प्राधिकरणको लगानीमा निर्माण गरिएको कुलेखानी तेस्रोले केही दिनमै परीक्षण उत्पादन थाल्ने जनाएको छ । तोकिएको समयावधि भन्दा झन्डै सातवर्ष पछि कुलेखानी तेस्रो निर्माण सम्पन्न भएको हो । मकवानपुरको भीमफेदी गाउँपालिकाको सानुटारमा निर्माण गरिएको कुलेखानी तेस्रोको १४ मेगावाट विद्युत् उत्पादन गर्ने क्षमता रहेकोे छ ।
आयोजनाले सन् २०११ मै उत्पादन थाल्नुपर्ने भए पनि विभिन्न कारणले गर्दा अहिले निर्माण पूरा गरेर पूर्वाधारको अवस्थाबारे चेकजाँच भइरहेको आयोजनाका प्रमुख सुवासकुमार मिश्रले बताए । पूर्वाधारको चेकजाँचपछि परीक्षण उत्पादन थालिने उनले जानकारी दिए । परीक्षण उत्पानमा सफल भएपछि व्यावसायिक उत्पादन सुरु हुने मिश्रले बताए ।
आयोजना निर्माणको सुरुवाती चरणमा चिनियाँ कम्पनी चे जियाङ जिल्लुनको बेवास्तासँगै स्थानीय बासिन्दाले पटकपटक आन्दोलन गर्दा आयोजनाको काममा अवरोध पुगेको थियो ।आयोजनाको सुरुको लागत अढाइ अर्ब रुपैयाँ अनुमान गरिए पनि काममा भएको ढिलाइले लागत बढेको जनाइएको छ । निर्माण अवधि लम्बिँदा झन्डै ५ रुपैयाँभन्दा बढी खर्च हुने अनुमान आयोजनाले गरेको छ । निर्माणको जिम्मा पाएको चिनियाँ कम्पनी चे जियाङ जिल्लुनले काममा ढिलाइ गर्दा लागत बढ्न गएको आयोजनाले जनाएको छ ।
आयोजना निर्माणको सुरुवाती चरणमा चिनियाँ कम्पनी चे जियाङ जिल्लुनको बेवास्तासँगै स्थानीय बासिन्दाले पटकपटक आन्दोलन गर्दा आयोजनाको काममा अवरोध पुगेको थियो ।
ऊर्जा मन्त्री वर्षमान पुन र प्राधिकरणका कार्यकारी निर्देशक कुलमान घिसिङले चिनियाँ ठेकेदार कम्पनीलाई दबाब दिएपछि पछिल्लो समय आयोजनाको कामले गति लिएको थियो । कुलेखानी जलाशयमा रहेको पानीबाट ६० मेगावाटको कुलेखानी प्रथम र ३२ मेगावाटको दोस्रो सञ्चालनमा रहेको छ ।
पहिलो आयोजनाबाट निस्केको पानी दोस्रोमा विद्युत् उत्पादन भइरहेको छ । अब दोस्रोबाट निस्केको पानी तेस्रोमा पु-याएर विद्युत् उत्पादन गर्न लागिएको हो ।यसैगरी मकवानपुरको भीमफेदी गाउँपालिका–८ मा निर्माण भएको बाग्मती साना जलविद्युत् आयोजनाले पनि उत्पादन थाल्ने जनाएको छ ।
निर्माणको काम सकेर तयारी अवस्थामा रहेको आयोजनाले ३ चैत २०७५ बाट परीक्षण उत्पादन थाल्ने भएको छ ।
अहिले आयोजनाको प्राविधिक परीक्षणको काम भइरहेको जनाइएको छ । ४ अर्ब रुपैयाँ लागतमा निर्माण भएको आयोजनाले परीक्षण उत्पादन भएको १५ दिनमा व्यावसायिक उत्पादन थाल्ने आयोजनाका इन्जिनियर शिशिर देवकोटाले जानकारी दिए ।
निजी क्षेत्रको मान्डु हाइड्रोपावर कम्पनी र चिनियाँ कम्पनीको संयुक्त लगानीमा निर्माण भएको आयोजनामा विद्युत् उत्पादनका लागि चाहिने प्रतिसेकेन्ड १२ दशमलव ४ क्युसेक पानी पठाउने गरी ३ दशमलव ७ मिटर चौंडा र ३ दशमलव ८ डायोमिटर रहेको २ हजार ४४१ मिटर लामो हेडरेस्ट टनेल बनाइएको छ ।
हाइड्रोले मकवानपुरको सिस्नेरी दोभानमा संकलन गरेको पानी टनेलमार्फत इपापञ्चकन्याको बेसीबगरमा पु-याउँदै विद्युत् उत्पादन गर्नेछ । २०७२ जेठबाट निर्माण थालेको हाइड्रोले प्राधिकरणको ६६ केभी प्रसारण लाइनमा उत्पादन जोड्नका लागि ४४ वटा टावर निर्माणको गरेको छ । उत्पादन गरिएको विद्युत् प्रसारण लाइनमा जोड्का लागि सबै तयारी भइसकेको जनाइएको छ ।
प्राधिकरणको प्रसारण लाइनमा उत्पादन स्थलबाट १४ किलोमिटर टाढा रहेको छ । ‘रन अफ रिभर’ प्रणालीको आयोजनामा ५५ मिटर लामो ड्याम निर्माण गरिएको छ । बाग्मतीको पानी सिस्नेरी दोभानमा ड्याम बनाई कुलेखानी, बाग्मती र कोगटेको पानी छेकेर सुरुङमार्फत इपाको बगरबेसीमा विद्युत् उत्पादन गरिँदै छ ।
हाइड्रोमा चाइनाको से च्वाङ हे च्वाङ, नेपालको हिमालयन इन्फ्रास्ट्रक्चर फन्डले लगानी गरेको छ भने मकवानपुरको माण्डु हाइड्रोपावर कम्पनीले प्रवद्र्धकको काम गरिरहेको छ । हाइड्रोको इलेक्ट्रो मेकानिकलको काम चाइनिज कम्पनी सीडब्लुटीडब्लुले गरेको हो । कम्पनीमा नेपालीको ५१ र चिनियाँको ४९ प्रतिशत सेयर रहेको छ । मान्डु हाइड्रोपावरले नेपाल विद्युत् प्राधिकरणसँग वर्षायाममा प्रतियुनिट ४ रुपैयाँ ४० पैसामा र हिउँदमा ८ रुपैयाँ ४० पैसामा बिक्री गर्ने सम्झौता भएको जनाएको छ ।
(Visited 101 times, 5 visits today)
No comments:
Post a Comment