उद्योगलाई अन्तिम मौका

पत्र पत्रिका बाट  -साभार              http://radiokantipur.ekantipur.com/news/2017-10-23/20171023185839.html

खारेजीमा परेका करिव १ हजार ५ सय उद्योगले नविकरणको लागि अन्तिम मौका पाउने भएका छन् । नयाँ औद्योगिक व्यवसाय ऐन कार्यन्वयनमा आएसँगै स्वत: खारेजीमा परेका उद्योगले पुन: संचालनका लागि ३ महिना म्याद थप्न सक्ने सुविधा उपलब्ध गराएको हो । उद्योग मन्त्रालयले आज राजपत्रमा सूचना प्रकाशित गर्दै यस्तो मौका दिएको छ । उद्योग मन्त्रालयको सूचना अनुसार आजको ३ महिनाभित्र उद्योगहरुले नविकरण वा म्याद थप गर्न पाउने छन् । कानुन मन्त्रालयले बाधा अड्काउ फुकाउ अन्तर्गत नियमावलीबाट म्याद थप गर्न मिल्ने बताएपछि मन्त्रालयले त्यस्त उद्योगलाई ३ महिनाको म्याद दिइएको उद्योग सचिव शंकर कोइरालाले जानकारी दिनुभयो । सरकारले गत मंसिर ७ देखि औद्योगिक व्यवसाय ऐन, २०७३ कार्यान्वयनमा ल्याएको थियो । उद्योग दर्ता भएपछि सञ्चालनमा आईसक्नुपर्ने प्रावधान भएकाले लगानीकर्ताले उद्योग सञ्चालनमा ल्याउन नसकेमा म्याद सकिनु एक महिना अघि नै थप गर्नुपर्ने नयाँ ऐनमा उल्लेख छ । नयाँ प्रावधान आएसँगै मन्त्रालयले. स्वत: खारेजीमा परेका उद्योगहरुलाई संचालनका लागि अन्तिम मौका दिने तयारी थालेको थियो । अर्बौर्ेको लगानी जोगाउने उद्देश्यसहित त्यस्ता उद्योगलाई अन्तिम मौका दिइएको उद्योग विभागले जनाएको छ । प्रकाशित:कार्तिक ६, २०७४