http://www.nayapatrikadaily.com/2018/11/29/119521/
हिमाली जिल्लामा ६ लाख फुजी स्याउको बिरुवा माग
हिमाली जिल्लामा ६ लाख फुजी स्याउको बिरुवा माग
कृषकहरू पछिल्लो
समयमा विदेशी फुजी जातको इटालियन स्याउ तर्फ आकर्षित भएका छन् । यस वर्ष
स्याउ फल्ने हिमाली जिल्लाहरुमध्ये जुम्ला, कालिकाेट, मनाङ र मुस्ताङ
जिल्लामा करीब ६ लाख फुजी स्याउको बिरुवा माग भएकाे छ । इटालि र स्पेन
लगायतका देशमा पाइने फुजि स्याउकाे बिरुवा नेपालमा पाईने बिरुवा भन्दा १०
गुणा महंगो पर्छ ।
प्रधानमन्त्री कृषि आधुनिकिकरण परियोजना,
परियोजना व्यवस्थापन इकाइ खुमलटार ललितपुरको पत्रका आधारमा स्याउ सुपरजोन
जुम्लाले दिएको जानकारी अनुसार जुम्ला, कालिकोट, मनाङ र मुस्ताङमा मात्र
करीब ६ लाख फुजी बिरुवा माग भएको हो ।
जुम्लाका कृषकहरुले तीन लाख ११ हजार चार
सय २२ फुजि बिरुवा माग गरेका छन् । त्यस्तै कालिकोटका कृषकले एक लाख १६
हजार पाँच सय, मनाङका कृषकले एक लाख ३१ हजार ६ सय र मुस्ताङमा १५ हजार पाँच
सय फुजी स्याउको बिरुवा माग गरिएकाे छ ।
७० प्रतिशत अनुदान
कृषकहरूले फुजी स्याउको बिरुवामा ७० प्रतिशत अनुदान पाउने भएका छन् । बाँकी ३० प्रतिशत कृषक अाफैँले लगानी गर्नुपर्नेछ । वरिष्ठ
कृषि अधिकृत टिकाराम शर्माले भने, ‘बिरुवा आयात गरेको ढुवानी रकम कृषकलाई
नि:शुल्क हुनेछ, अनुदानमा वितरण हुने प्रति बिरुवा कृषकलाई चार सय २५
रुपैयाँसम्म पर्नजान्छ ।’
जुम्लामा १४ हजार बगैँचा
जिल्लाका कुल १८ हजार घरधुरीमध्ये करीब १४
हजार घरमा स्याउ बगैँचा स्थापना भएको कृषि ज्ञान केन्द्रको तथ्यांकमा
उल्लेख छ । जिल्लाको कुल तीन हजार चार सय ५० हेक्टर जमिनमा स्याउ खेती
भइरहेको छ ।
No comments:
Post a Comment