पत्र पत्रिका बाट -साभार http://www.karobardaily.com/news/80767
query_builder०१ श्रावण, २०७४ ७:२२ बिहान supervisor_accountरोशन थापा visibility2878
तस्विर : कारोबार अनलाइन टिभी
कर छुट पाउने ४५ फर्मको सूचीसहित
काठमाडौं : अख्तियार दुरुपयोग
अनुसन्धान आयोगले तत्कालीन कर फछ्र्योट आयोगका तीन जना पदाधिकारीविरुद्ध १०
अर्ब २ करोड १९ लाख रुपैयाँ बक्यौता कर बदनियतपूर्वक छुट तथा मिनाहा दिएको
भन्दै विशेष अदालतमा मुद्दा दायर गरेको छ ।
आयोगले आइतबार तत्कालीन कर फछ्र्योट आयोगका
अध्यक्ष लुम्बध्वज महत, सदस्य उमेश ढकाल र सदस्यसचिव चुडामणि शर्माविरुद्ध
छुट दिइएको करलाई विगो मानी विगो र विगो बराबरको जरिवाना तथा ८ देखि १०
वर्षसम्म कैद सजायको माग गरी मुद्दा दायर गरेको हो ।
अख्तियारले मुद्दा दायर गरेका आन्तरिक
राजस्व विभागका निलम्बित महानिर्देशक शर्मा गत जेठ १९ गतेदेखि अख्तियारकै
हिरासतमा छन् भने महत र ढकाल भने हिरासतमा पर्ने डरले फरार छन् ।
तत्कालीन अर्थमन्त्री डाक्टर रामशरण महतको
प्रस्तावमा २०७१ सालको माघ २२ गते आयोग गठन भएको थियो । आयोगले ४५ वटा
व्यापारिक फर्मलाई मात्र १० अर्ब २ करोड १९ लाख रुपैयाँ कर बदनियतपूर्वक
छुट तथा मिनाहा दिएको अख्तियारको दाबी छ ।
अख्तियारले कर छुट दिने निर्णयमा सहभागी
महत, शर्मा र ढकाललाई भ्रष्ट्राचार निवारण ऐनको दफा ३ को उपदफा १ र दफा ७
बमोजिम कारवाहीको माग गरेको छ ।
भ्रष्ट्राचार निवारण ऐनको दफा ३ को उपदफा १
मा एक करोडभन्दा बढीको राजस्व चुहावटमा ८ देखि १० वर्षसम्म कैद सजाय तथा
उपदफा ७ मा विगोको दोब्बर जरिवाना गराउने व्यवस्था छ । यो व्यवस्था बमोजिम
अख्तियारको अभियोग प्रमाणित भए तीन जनाले ३० अर्ब ६ करोड ५७ लाख रुपैयाँ
बुझाउनुपर्ने छ ।
अख्तियारका अनुसार आयोगले त्रिवेणी
डिस्टीलरीलाई ४ अर्ब १ करोड ९५ लाख, श्री डिस्टीलरीलाई २ अर्ब ५० लाख, नेम
लिक इन्टरनेष्नल ट्रेडर्स प्रालिलाई १ अर्ब ४२ लाख, गोर्खा ब्रुअरीलाई ९१
करोड ४० लाख र माउण्ट एभरेष्ट ब्रुअरीलाई ७१ करोड ७६ लाख छुट दिएको छ ।
यस्तै, बुद्ध एयरलाई २८ करोड ७ लाख, हर्बो
इन्टरनेष्नललाई १३ करोड २० लाख, नाकासु मोटर्सलाई ६ करोड ४९ लाख र नेपाल
रिपब्लिक मेडिया प्रालिलाई ६ करोड २० लाख बक्यौता कर छुट दिएको पाइएको छ ।
अख्तियारले हुलास वायर इण्डष्ट्रिज
प्रालिलाई ५ करोड २१ लाख, मीना इम्पेक्सलाई ३ करोड ४९ लाख र टीभी
म्याक्सलाई २ करोड ९५ लाख बक्यौता कर छुट दिइएको अभियोगपत्रमा उल्लेख गरेको
छ ।
आयोगले १० अर्ब ९६ करोड बक्यौता कर छुट दिएका बाँकि फाइल भने अध्ययन गर्न नै बाँकि रहेको अख्तियारले जनाएको छ ।
No comments:
Post a Comment