https://kantipurtv.com/news/2022-08-07/20220807093920.html
सिद्दबाबा सडकखण्डको वैकल्पिक मार्गको निर्माण ५ वर्षसम्म पनि सकिएन
श्रावण २२, २०७९
वर्षातको समयमा पहिरो जाँदा राजमार्गहरु पटकपटक अबरुद्ध हुने गरेका छन् । एउटा राजमार्ग अबरुद्ध हुँदा अर्कोतर्फबाट ओहोरदोहोर गर्न सकिने वैकल्पिक सडक बनाउने प्रयास पनि सफल भएको छैन । सिद्धार्थ राजमार्गको रुपन्देही र पाल्पाको सिमानामा पर्ने सिद्धबाबा खण्डमा जाने पहिरोले यात्रा नै जोखिमपूर्ण बनेपछि विकल्पमा लुम्बिनी प्रदेश सरकारले ५ वर्ष अघि वैकल्पिक मार्ग निर्माण सुरु गर्यो । निर्माणमा साढे २७ करोड खर्चसमेत भयो । तर, न त अहिलेसम्म वैकल्पिक सडक निर्माण सकिएको छ न यात्रुले जोखिमपूर्ण यात्रा गर्नुपर्ने बाध्यता नै हटेको छ ।
सिद्धार्थ राजमार्गको बुटवल-तानसेन सडक लुम्बिनी प्रदेशको तराई र पहाड जोड्ने मुख्य सडक हो । तर, वषर्ा लाग्यो कि सिद्धबाबा क्षेत्रमा पहिरो खस्न थाल्छ । हिउदमै पनि ठूल्ठूला ढुंगा झरेर सडक अवरोध भइरहन्छ । जोखिम बढेपछि लुम्बिनी प्रदेश सरकारले ५ वर्षअघि वैकल्पिक मार्ग सुरु गर्यो । तर, अहिलेसम्म सडक बन्न सकेको छैन ।बुटवलको धागो कारखाना, चरङ्गे हुँदै पाल्पाको झुम्सा जोड्ने वैकल्पिक सडकको पहिलो वर्षमै ट्रयाक खोल्ने र दोस्रो वर्षदेखि ग्राभेल गरेर गाडी चलाउने योजना थियो । रुपन्देही क्षेत्रमा १३ र पाल्पामा साढे ८ गरी साढे २१ किलोमिटर लम्बाइको सडकको अहिलेसम्म प्रारम्भिक चरणको कामसमेत सकिएको छैन ।
७ मिटर चौडाइको २ लेनको वैकल्पिक मार्गमा अहिलेसम्म २७ करोड ५२ लाख ७५ हजार र पाल्पा खण्डमा ११ करोड २९ लाख ३ हजार गरी ३८ करोड ७१ लाख ७८ हजार रुपैयाा खर्च भइसकेको छ । यद्यपी चुरे क्षेत्रको पहाड छिचोल्नुपर्ने र पहिरो खसिरहने भएकाले सिद्धबाबाको विकल्पमा खोलिएको सडक पनि उस्तै जोखिमपूर्ण छ ।
प्रदेश सरकारले चालु आर्थिक वर्षका लागि समेत ७ करोड १६ लाख ५० हजार रुपैया विनियोजन गरेको छ । चुरे क्षेत्रको सम्भाव्यता अध्ययनबिना सडक खनिनु र प्राथमिकताअनुसार बजेट बिनियोजन नहुादा ५ वर्षसम्म पनि वैकल्पिक सडक अलपत्र परेको हो ।
No comments:
Post a Comment