पत्र पत्रिका बाट -साभार
जागेश्वर यादव / लहान
सिरहाको कर्जन्हा–२ की एक किशोरीले
यौन सम्बन्ध लुकाउन भाइ (ठूलो बुबाको छोरा) को हत्या गरेको खुलेको छ । उनले
पनि प्रहरी हिरासतमै आत्महत्या गरेकी छन् ।१६ वर्षीया प्रियंका यादव र १४
वर्षीय सञ्जयकुमार साहले आफ्नो यौन सम्बन्ध खुल्ने डरले कुसुमलाल यादवका १३
वर्षीय छोरा भवेशको हत्या गरेका हुन् ।
१ कात्तिकमा भैंसी चराउन गएकी प्रियंका र
सञ्जयको शारीरिक सम्बन्ध देखेका भवेशले ‘घरमा सुनाइदिन्छु’ भनेपछि दुवैले
हत्या गर्ने योजना बनाएका थिए । संयोगवश भवेशले दिदी र सञ्जयको शारीरिक
सम्बन्ध देखेपछि घर परिवारबाट बच्न उनीहरूले हत्या गरेको प्रहरीले जनाएको छ
।
भैंसी चराउन गएको बेलामा प्रियंका र
सञ्जयलाई आपत्तिजनक अवस्थामा देखेका भवेशले काका र आफन्तलाई सुनाइदिने
भनेपछि दुवै जनाले भवेशको हत्या गरेको अनुसन्धानबाट खुलेको प्रहरी नायब
उपरीक्षक गजुसिद्धि बज्रचार्य बताए । ३ कात्तिकमा हराएका भवेशको शव घरनजिकै
वनमारा घारीमा कुहिएको अवस्थामा दुई दिनपछि भेटिएको थियो ।
किशोरीले गरिन् हिरासतमै आत्महत्या
अनैतिक सम्बन्धको प्रत्यक्षदर्शी भाइलाई
केटा साथीसँग मिलेर हत्या गरेको अभियोगमा प्रहरी हिरासतमा रहेकी प्रियंका
यादवले आत्महत्या गरेकी छन् । इलाका प्रहरी कार्यालय मिर्चैयाद्वारा आइतबार
दिउँसो हत्या अभियोगमा प्र्रेमी सञ्जयकुमार साहसहित सार्वजनिक गरेपछि ५
बजे प्रहरी हिरासतमै सलको पासो लगाएर आत्महत्या गरेकी हुन् । इलाका प्रहरी
कार्यालय मिर्चैयाका अनुसार जिल्ला अदालत सिरहाबाट अनुसन्धानका लागि म्याद
लिएर इलाका प्रहरी कार्यालय विष्णुपुर हिरासतमा राखिएको थियो । प्रिंयकाले
आफू नुहाउन जानुप¥यो भन्दै बाथरुममा गई बाथरुमको झ्यालमा सलको पासोमा
झुन्डिएर आत्महत्या गरेकी हुन् ।
इलाका प्रहरी कार्यालय विष्णुपुरमा राखेको
अवस्था उनले आत्महत्या गरेकी हुन् । हत्या अभियोगमा पक्राउ परेका प्रियंका
र सञ्जयलाई प्रहरीले आइतबार दिउँसो पत्रकार सम्मेलन गरी सार्वजनिक गरेको
थियो ।
पत्रकार सम्मेलनमा दुवैको यौन सम्बन्ध
प्रत्यक्ष देखेका १३ वर्षीय भवेशकुमार यादवको खुकुरीले घाटी रेटी हत्या
गरिएको अवस्थामा शव फेला परेको प्रहरीले जनाएको छ । ३ कात्तिकमा हत्या
गरिएका भवेशको शव कर्जन्हा नगरपालिका–२ स्थित नर्सरीको वनमारा घारीमा घाटी
रेटेर शरीर छुट्टिएको अवस्थामा फेला परेको थियो ।
कसरी भयो हत्या ?
शव भेटिएपछि नेपाल प्रहरी प्रदेश–२
कार्यालय, जिल्ला प्रहरी कार्यालय र इलाका प्रहरी कार्यालय मिर्चैयाको टोली
अनुसन्धानमा खटिएको थियो । अनुसन्धानको क्रममा मृतककी ठूलो बुबाकी छोरी
प्रियंका र धनुषाको धनौजीपट्टि घर भई कर्जन्हा–२ स्थित मामाको घरमा बसेर
पढिरहेका सञ्जयको अनैतिक सम्बन्ध रहेको प्रारम्भिक सूचना पाएपछि प्रहरीले
साता दिनभित्रै अभियुक्त पक्राउ गर्न सफल भएको प्रहरी नायब उपरीक्षक
(डीएसपी) गजुसिद्धि बज्रचार्यले बताए ।
उनका अनुसार १ कात्तिकमा भैंसी चराउन गएकी
प्रियंका र सञ्जयको शारीरिक सम्बन्ध देखेका भवेशले ‘घरमा सुनाइदिन्छु’
भनेपछि दुवैले हत्या गर्ने योजना बनाएका थिए । भवेश र सञ्जय एउटै स्कुलको
कक्षा ४ मा पढ्ने मिल्ने साथी हुन् ।
संयोगवश भवेशले दिदी र सञ्जयको शारीरिक
सम्बन्ध देखेपछि घर परिवारबाट बच्न हत्या योजना बनाएका थिए । हत्या गर्ने
योजनामुताविक ३ कात्तिकमा दुवैले ‘नर्सरीमा मोबाइल र पटाका लुकाएर राखेका
छौं, लिन जाऔं’ भन्दै फकाएर वनमारा घारीमा लुकाएर राखेको धारिलो खुकुरी
प्रहार गरी हत्या गरेका थिए । उनको हत्यापछि शवलाई कसैले पनि चिन्न नसकोस्
भनेर शरीर एकातिर टाउको अर्कोतिर बनाएर गाडेका थिए । प्रहरीका अनुसार हत्या
भएको केही दिनपछि आफूले भैंसी चराउन जाँदा जंगलमा भाइको सर्ट जस्तै हात
देखेको भन्दै प्रियंकाले नै घरमा खबर गरेकी थिइन् । उनकै सूचनापछि प्रहरीले
कुहिएको अवस्थामा भवेशको शव फेला पारेको थियो ।
No comments:
Post a Comment