प्रतिक्रिया लेख्दा
*कृपया प्रतिक्रिया लेख्दा सभ्य भाषामा लेख्न अनुरोध छ। * जथाभावी उपनाममा लेखिएका प्रतिक्रियाहरुले स्थान नपाउन सक्छन्। नाम सहितका कमेन्टले प्राथमिकता पाउने छन्। फर्जी नाम, उपनाम लेख्नेको कमेन्ट प्रकाशित नहुन सक्छ। *असभ्य भाषा र धाकधम्की सहितका कमेन्टको आईपी प्रकाशित गर्न सकिनेछ। *हिंसालाई बढावा दिने, विद्वेश फैलाउने र निरंकुशताको पक्षपोषण गर्ने प्रतिक्रियालाई सकेसम्म स्थान दिइने छैन। * प्रतिक्रिया प्रकाशन गर्ने कि नगर्ने भन्ने सम्बन्धमा सबै निर्णय गर्ने अधिकार म आफैमा रहनेछ।
काठमाडौं । मुलुकभर ११ ठाउँमा बन्ने सुरुङमार्गको सम्भाव्यता अध्ययन र विस्तृत आयोजना प्रतिवेदन (डीपीआर) का लागि चालू आर्थिक वर्षमा रू. ५८ करोड ६० लाख बजेट विनियोजन गरिएको छ । ११ मध्ये पाँच ठाउँको डीपीआर र ६ ठाउँको सम्भाव्यता अध्ययन गरिने सडक विभागले बताएको छ ।
बुटवल–पाल्पा सडक खण्डमा बन्ने सिद्धबाबा सुरुङमार्गको डीपीआर तयार गरी खरीद प्रक्रियासमेत अघि बढाउने योजना छ । वर्षेनि पहिरोका कारण उच्च जोखिममा रहेको सिद्धबाबा सुक्खा पहिरोको समेत जोखिममा रहेको क्षेत्र हो ।
डीपीआर बन्ने अन्य सुरुङमार्गमा कोटेश्वर–जडीबुटी खण्ड, टोखा–छहरे–गुर्जे भन्ज्याङ खण्ड, नारायणगढ–दाउन्ने खण्ड र बीपी लोकमार्गको खुर्काेट–चियाबारी खण्ड रहेको विभागले जानकारी दिएको छ ।
सम्भाव्यता अध्ययन गरिने ६ सुरुङमार्गमा बिपीनगर–खुटिया–दिपायल, गणेशमान सिंह मार्गको थानकोट–चित्लाङ, गोदावारी कुण्ड–काभ्रे मानेचौर, कुलेखानी–भीमफेदी, पोखरा–बाग्लुङ हेम्जा (नयाँपुल) लामाबगर र नारायणगढ–बुटवल दाउन्ने खण्ड रहेका छन् ।
विभागले वार्षिक कार्यक्रममा नयाँ बानेश्वरमा अन्डरपास वे निर्माण गर्न रू. ४ करोडसमेत विनियोजन गरेको छ । विभागका सिनियर डिभिजनल इन्जिनीयर अर्जुन सुवालले टोखा–छहरे सुरुङमार्गको सम्भाव्यता अध्ययन सकेर डीपीआर बनाउने तयारी शुरू गरिने बताए ।
यस्तै नागढुंगा–नौबीसे सुरुङमार्ग निर्माणको प्रक्रिया चालू आवमा नै शुरू गरिने विभागले बताएको छ । २०२२ सम्ममा बनाइसक्ने लक्ष्य राखिएको उक्त सुरुङमार्गका लागि जाइकाले सहुलियत ऋण उपलब्ध गराउनेछ ।
यातायात सेवालाई भरपर्दाे बनाउने र खासगरी लामो दूरी छोट्याएर कम दूरीमै गन्तव्यमा पुर्याउने उद्देश्यले उक्त ठाउँमा सुरुङमार्ग बनाइन लागेको विभागले बताएको छ ।
यसैगरी विभागले काठमाडौंका कोटेश्वर, जडीबुटी, बानेश्वर, गौशाला, चाबहिल, थापाथली र कालिमाटी चोकमा फ्लाई ओभर वा सब–वे बनाउने भएको छ । सुवालका अनुसार यी स्थानमा दुईमध्ये जे उपयुक्त हुन्छ, त्यो संरचना बनाउन सम्भाव्यता अध्ययन गरिनेछ ।
हिमा वि.क.
No comments:
Post a Comment