नक्कली भनिएका चिकित्सकलाई अदालतले सफाइ दियो
वीरगन्जः नक्कली शैक्षिक प्रमाणपत्र पेश गरेर डाक्टरी पढेको आरोपमा नेपाल प्रहरीको केन्द्रीय अनुसन्धान ब्यूरो (सिआइबी) ले पक्राउ गरेर ठगी मुद्धा चलाएका वीरगन्जका आठ चिकित्सकलाई पर्सा जिल्ला अदालतले सफाइ दिएको छ ।
पर्सा जिल्ला अदालतले ठगी मु्द्धा चलाइएका
चिकित्सकलाई बुधबार सफाइ दिएको हो । पर्सा जिल्ला अदालतका न्यायाधीश
महम्मद जुनैद आजादको इजलासले वादीको माग दाबी ठहर नभएको फैसला गरेका छन् ।
‘ठगिने व्यक्ति को हो ? भन्ने नखुलेको,
किर्ते पुष्टी गर्ने आधार पनि नभएको र ठगीको परिभाषा भित्र पनि नपरेको ठहर
अदालतले गरेको छ,’ अदालतका श्रेस्तेदार ठाकुर प्रसाद खरेलले भने, ‘अदालतले
ठगी गरेको प्रमाण फेला नपारेपछि सफाइ दिएको हो ।
उनले अदालतको फैसला पछि आठै जना चिकित्सक बुधबार नै धरौटी बापत आफूले जम्मा गरेको रकम बुझेर घर फर्किएका छन् ।
पर्सा जिल्ला अदालतमा बुधबार दिउँसो भएको
बहमा प्रतिवादी चिकित्सकको तर्फबाट कानुन व्यावसायी सुधीर कर्ण, प्रमोद
साह, रामनारायण कुर्मी र हरिकृष्ण अधिकारीले बहस पैरवी गरेका थिए । वादीको
तर्फबाट जिल्ला न्यायाधिवक्ता सूर्यप्रसाद सुवेदीले बहस गरेको अदालतका
श्रेस्तेदार खरेलले जानकारी दिए ।
चिकित्सकमाथि दायर गरिएको ठगी मुद्दामा
पर्सा जिल्ला अदालतले शैक्षिक प्रमाणपत्र पुनःप्रमाणीकरण गर्न सिआइबी, उच्च
मावि शिक्षा परिषद् र नेपाल मेडिकल काउन्सिललाई दुई पटक पत्रचार गरेर
बोलाएको थियो । तर, सिआइबी समेतको तीन वटै टोली अदालतमा पुनः प्रमाणीकरणका
लागि नआएपछि पर्सा जिल्ला अदालतले कसुर प्रमाणित हुने आधार नभएको भन्दै आठै
डाक्टरलाई बुधबार सफाइ दिएकोे हो ।
सिआइबीको टोलीले असार ३ गते वीरगन्जको
नारायणी उपक्षेत्रीय, नेशनल मेडिकल कलेज र निजी क्लिीनमा छापा मारेर
डा.कुशराज गिरी, डा.सरोज सिंह, डा.पन्नालाल पटेल, डा.दिनेशकुमार साह तेली,
डा. निमेशपाल रमण, डा. रामकुमार प्रधान, डा.इर्शादुल हक र डा.मोहम्मद
रहुल्लाहलाई पक्रेर काठमाडाँै लगेको थियो ।
असार १७ गते सिआइबीले मिसिलसहित
चिकित्सकलाई ठगी गरेको सम्बन्धी मुद्दा चलाउन जिल्ला प्रहरी कार्यालय
पर्सालाई बुझाएपछि पर्सा प्रहरीले असार १९ गते डाक्टरविरुद्ध जिल्ला अदालत
पर्सामा ठगी मुद्धा दर्ता गरेको थियो । भारत बिहारबाट प्रवीणताप्रमाण पत्र
तहको नक्कली शैक्षिक प्रमाणपत्र ल्याएर डाक्टरी पढेको आरोप लगाउदै आठ
डाक्टरलाई पक्राउ गरी पर्सा जिल्ला अदालतमा मुद्दा चलाइएको थियो ।
त्यसपछि गत असार २० गते पर्सा जिल्ला
अदालतको आदेश अनुसार डाक्टर मोहम्मद रहुल्लाह ३५ लाख, डाक्टर दिनेश साह
तेली १८ लाख , डाक्टर पन्नालाल पटेल १५ लाख ,डाक्टर सरोज कुमार सिंह १०
लाख, डाक्टर राम कुमार प्रधान सात लाख ७५ हजार, डाक्टर कुशराज गिरी चार
लाख, डाक्टर इर्शादुल हक तीन लाख ७५ हजार र डाक्टर निमेश रमन पाल दुइ लाख
रुपैया धरौटी तिरेर रिहा भएका थिए । रिहा भएकै दिनदेखि आठै जना डाक्टर आ
आफनो काममा फर्किएका छन् ।
सिआइबीका डिएसपी ज्ञानेन्द्र फुयाँलले भने
आवश्यक अनुसन्धान गरेरै पर्सा जिल्ला अदालतमा आठ जना चिकित्सकलाई बुझाएको
बताए । उनले भने ,‘सिआइबीले अनुसन्धान गरेरै ठगी मुद्धा दर्ता गराएको हा ,
न्यायिक निर्णयमा हामीले टिप्पणी गर्न मिल्दैन ।
No comments:
Post a Comment